• 7 nætur
• Morokkó

Agadir er gullfallegur strandbær á vesturströnd Marokkó, með gylltar strendur, pálmatré og fallegan gróður, fjöll og fossa, svo er bærinn nýbyggður eftir stóran jarðskjálfta 1960 sem er með nútíma arkitektúr í bland við ekta marrakóskan stíl. Agadir er við Atlantshafið og er ekki langt frá Kanaríeyjum sem Íslendingar þekkja mjög vel.

Tikida Golf Palace hótelið sem við njótum á er með stór og flott herbergi með sér fataherbergi og stórum svölum. Það eru tveir veitingastaðir á hótelinu, þá er einn af þeim fyrir morgun- og hádegismat, annar er bara fyrir kvöldmat þar sem pantað er af matseðli. Einn bar er á hótelinu sem er sannkallaður lúxusbar, svo að sjálfsögðu er heilsulind og líkamsrækt, inni- og útisundlaugar og tveir 18-holu golfvellir sem eru alveg við hótelið. Hægt er að fá far á golfbíl frá hótelinu og á klúbbhúsið.

Beint flug er með Play alla föstudaga kl 10:00 frá Keflavík og er lent kl 16:25 á staðartíma í Agadir. Frá flugvellinum er svo 30 mínútna keyrsla á hótelið. Fyrir þá sem vilja skoða sig um, þá er 25 mínútna keyrsla frá hótelinu og í gamla bæinn í Agadir, en á ströndina er systurhótelið með prívat strandbar og er 15 mínútna keyrsla þangað.

Golf du Soleil

Einn vinsælasti golfvöllur Marokkó, Golf du Soleil er með tvo glæsilega golfvelli með driving range, pútt- og chip svæði ásamt flottu klúbbhúsi sem býður upp á morgunmat og hádegismat, og jú það er hægt að kaupa bjór og fleira í klúbbhúsinu og njóta umhverfisins og aðstæður til kl 18:00.

Golfvellirnir eru tveir, annar þeirra kallast einfaldlega Championship course og er par 72-golfvöllur hannaður af Gérard Courbin. Völlurinn er með breiðar brautir, upphækkuð grín og sandgryfjur sem eru staðsettar á ákveðnum stöðum af ásettu ráði. Championship völlurinn hefur haldir Ladies European Tour mót, Challenge Tour mót og einnig EPD Tour mót, en auðvitað hentar hann öllu getustigi.

Seinni völlurinn kallast Tikida Course og er einnig par 72-golfvöllur sem er hannaður af Fernando Muela. Völlurinn er með þrengri brautir en sá fyrrnefndi, fleiri vötn og fleiri tré. Golfvellirnir tveir eru í mjög notalegu umhverfi þar sem pálmatré, eukalyptus tré og öðrum blómlegum gróðri sem vellirnir eru umkringdir af.

Innifalið