• 7 nætur
• Spánn

Það er komið að því aftur, við ætlum að lifa af landsleikjahléið dagana 11. – 18. nóvember með Dr. Football!

Við fljúgum til Malaga á suður Spáni, keyrum svo í 30mín til Marbella á hið glænýja og glæsilega Los Monteros hótelið sem er í eigu Kimpton keðjunnar, það verður enginn svikinn á þessu lúxus svæði.
Los Monteros hótelið er í göngufjarlægð frá ströndinni og golfvöllunum tveimur. Á svæðinu eru einnig nokkrir padel vellir þar sem við getum leigt þá og spilað saman. Hótelið er með inni- og útisundlaugar, líkamsrækt, nokkra veitingastaði og bari, einnig er mjög stutt í aðra veitingastaði og bari í kring og í súpermarkaði og fleira. Þeir sem þekkja Marbella vita að þar eru alvöru gæði í boði í mat og drykk, líf og stemningu svo að sjálfsögðu frábærir golfvellir.

Santa Clara Golf Club

Frábær par 71-golfvöllur hannaður af Enrique Canales Busquets og opnaði árið 2001. Golfvöllurinn er skammt frá Los Monteros hótelinu, hægt er að ganga í 10mín eða taka skutluna frá hótelinu og til baka á örfáum mínútum. Golfvöllurinn er í fallegu landslagi fyrir ofan Marbella sem býður kylfingum upp á fjölbreytt og skemmtilegt spil. Klúbbhúsið er nýlegt með veitingastaði og bari með frábæru útsýni yfir golfvöllinn þar sem hægt er að sitja úti eða inni að njóta sín eftir góðan hring. Santa Clara Golf Club býður upp á ótakmarkað golf í þessari ferð.

Marbella Golf Country Club

Glæsilegur golfvöllur sem er alveg við Santa Clara golfvöllinn. En þessi býður heldur betur upp á alvöru áskoranir, með upphækkuð grín, mikið af vötnum, beygjur og brekkur en virkilega fallegur og skemmtilegur golfvöllur. Hannaður af hinum góðkunna Robert Trent Jones Jr sem er þekktur fyrir krefjandi en fallega velli sem Marbella Golf Country club býður upp á og með dásamlegt útsýni yfir Miðjarðarhafið, það má enginn missa af þessum velli.

Marbella Old Town

Gamli bærinn í Marbella er svona staður sem lætur manni líða eins og maður hafi óvart rambað inn í allt aðra tíma. Þröngar, hlykkjóttar göturnar líta út eins og þær hafi aldrei heyrt um Google Maps, og það er einmitt hluti af sjarmanum. Þú labbar af stað með plan, en endar einhvers staðar allt annars staðar með ís í hendinni eða sangríu á borðinu.

Puerto Banús

Puerto Banús er svolítið allt annað vibe en gamli bærinn, hann er nútímalegri, fínni og stemningin er aðeins meira með lífi og fjöri. Þetta er svona staður þar sem þú getur rölt meðfram höfninni, kíkt í búðir eða sest niður og fengið þér eitthvað að borða á góðum stað með útsýni yfir snekkjurnar.

Innifalið